பொங்கல் 2025 | மாட்டுப்பொங்கலுக்கு நல்ல நேரம் மற்றும் கோபூஜை தகவல்கள்!

உழவுத் தொழிலுக்கு உதவிய மாடுகளுக்கு நன்றி செலுத்தும் விதமாக தை இரண்டாம் நாளில் மாட்டுப் பொங்கல் கொண்டாடப்படுகிறது. இந்நாளில் மாடுகள் குளிப்பாட்டப்பட்டு சந்தனம், குங்குமம் பூசப்பட்டு மலர்கள் மற்றும் சலங்கைகள் கொண்டு அழகுபடுத்தப்படுகின்றன. அதன் பின், மாடுகளை தெய்வமாகக் கருதி பூஜைகள் செய்யப்படுகின்றன.

நந்தி வழிபாடு:
மாட்டுப் பொங்கல் தினம் காலை நேரத்தில் சிவாலயங்களுக்கு சென்று நந்தி வழிபாடு மேற்கொள்வது நல்லதென கூறப்படுகிறது. அங்கு பலவகையான மாலைகளால் நந்தி அலங்கரிக்கப்படுகின்றார். இந்த நேரத்தில் நந்தியை தரிசித்து, நந்தி பதிகம் பாடினால் வளம் சேரும் என நம்பப்படுகிறது.

பூஜை மற்றும் நேரம்:
மாட்டுப்பொங்கல் தினத்தில் பொங்கல் வைத்து கோபூஜை செய்ய சிறந்த நேரங்கள்:

• காலை 06:30 – 07:30
• காலை 09:30 – 10:30
• மாலை 04:30 – 05:30

இந்த நேரங்களில் கோபூஜை செய்யும் போது மாடுகளுக்கு பொங்கல் நைவேத்தியமாக வழங்குவது அவசியம். இதன் மூலம் செல்வம், சாந்தி, மற்றும் லட்சுமி கடாட்சம் பெருகும்.

மாட்டுப்பொங்கலின் சிறப்பு:
மாட்டுப் பொங்கல் நாள் உழவுத் தொழிலுக்கான முக்கியத்துவத்தையும், அதன் பின்னணியில் இருக்கும் நன்றி செலுத்தும் மரபையும் நமக்கு உணர்த்துகிறது. இந்த ஆண்டு ஜனவரி 15ஆம் தேதி மாட்டுப்பொங்கல் கொண்டாடப்படும்.