சிம்ம ராசிக்கு அஷ்டம சனி! சனி பெயர்ச்சி 2025 பலன்கள் – எச்சரிக்கையுடன் இருங்கள்!

2025ஆம் ஆண்டு மார்ச் 29ஆம் தேதி, சனி பகவான் கும்பம் ராசியிலிருந்து மீனம் ராசிக்கு பெயர்ச்சி செய்கிறார். சிம்ம ராசிக்காரர்களுக்கு இது அஷ்டம சனி நேரமாக மாறும். காலபுருஷனின் 5ஆம் வீடான சிம்ம ராசியில் மகம், பூரம், உத்திரம் ஆகிய நட்சத்திரங்கள் அடங்கியுள்ளன. சிம்ம ராசியின் அதிபதியான சூரிய பகவானுக்கும் சனி பகவானுக்கும் பகை உள்ளதால், சிம்ம ராசிக்கு இந்த சனி பெயர்ச்சி நேரம் சவால்களை உருவாக்கலாம்.

அஷ்டம சனி விளைவுகள்:

அஷ்டம சனி, சிம்ம ராசிக்காரர்களின் உடல் ஆரோக்கியம், மனநிலையைப் பாதிக்கக்கூடும். திருமண வாழ்க்கையில் மனக்கசப்புகள், தொழிலில் சவால்கள், உறவுகளில் வேறுபாடுகள் போன்ற சிக்கல்களை உருவாக்கும் வாய்ப்புண்டு. செலவுகள் அதிகரிக்கும், கடன் சிக்கல்களும் வரலாம். இதனால் சிம்ம ராசிக்காரர்கள் எச்சரிக்கையாக செயல்பட வேண்டியது அவசியம்.

வழிபாடும் பரிகாரமும்:

அஷ்டம சனி காரணமாக ஏற்படும் பிரச்சினைகளை சமாளிக்க திருநள்ளாறு சனி பகவானை வழிபடுவது நல்லது. தர்பாரண்யேஸ்வரர் கோயிலில் சனி பகவானை வழிபாடு செய்து, நல்லெண்ணை தீபம் ஏற்றுவது நன்மைகளை தரும். மேலும் சனி காயத்ரி மந்திரத்தை தினமும் 21 முறை உச்சரிப்பது மற்றும் ஏழைகளுக்கு தான தர்மம் செய்வது பிரச்சினைகளைத் தடுக்க உதவும்.