மகளிர் உரிமைத் தொகையில் மாற்றமா? ரூ.1000 உயர்வு கூடும் என எதிர்பார்ப்பு!

மகளிர் உரிமைத் தொகை திட்டத்தில் மாற்றங்கள் செய்யப்படவிருக்கலாம் என்று தமிழக அரசு ஆலோசனை செய்து வருகிறது. இந்த திட்டத்தின் கீழ் தகுதியான அனைத்து பெண்களும் அடுத்த மூன்று மாதங்களுக்குள் ரூ.1000 தொகையைப் பெறுவார்கள் என்று துணை முதல்வர் உதயநிதி ஸ்டாலின் தெரிவித்தார்.

சமீபத்தில் நடைபெற்ற சட்டப்பேரவையில், தகுதியான பெண்களுக்கு உரிய உரிமையை உறுதிப்படுத்த அரசின் நிலைப்பாட்டை அவர் வலியுறுத்தினார். அதே சமயம், திட்டத்தில் சேர்க்கப்படாத பல பெண்கள், குறிப்பாக ஓய்வூதியம் பெறுபவர்கள் மற்றும் முன்னாள் அரசு ஊழியர்களின் மனைவிகள் ஆகியோருக்கு உரிமை வழங்குவது குறித்து ஆலோசிக்கப்பட்டு வருகிறது.

மேலும், விரைவில் திருமணமான பெண்கள், தகுதிப் பட்டியலில் உள்ளவற்றை மீண்டும் பரிசீலனை செய்வதற்கும் தமிழக அரசு திட்டமிட்டு வருகிறது. புதிய தகுதி நிபந்தனைகள் மற்றும் விரிவாக்க அறிவிப்புகள் பட்ஜெட்டில் வெளியாகலாம் என எதிர்பார்க்கப்படுகிறது.

உரிமைத் தொகை உயர்வு:
மகளிர் உரிமைத் தொகையை ரூ.1500 அல்லது ரூ.2000 ஆக உயர்த்துவது குறித்து பரிசீலனை நடந்து வருகிறது. இந்த முடிவு 2026 சட்டமன்றத் தேர்தலை முன்னிட்டு அரசியல் கட்சிகளின் முக்கிய வாக்குறுதிகளாக மாறும். திமுகவின் அறிவிப்பு எதிர்பார்ப்பை ஏற்படுத்தியுள்ளது.

மற்ற மாநிலங்களின் நிலை:
கர்நாடகா மற்றும் மகாராஷ்டிரா போன்ற மாநிலங்களில் பெண்களுக்கு ரூ.1500 வரை வழங்கப்படுகிறது. தமிழக அரசும் ரூ.1000 தொகையை உயர்த்துவது குறித்து விரைவில் முடிவெடுக்கும் என நம்பப்படுகிறது.