ஆன்மீகம்
அட்சய திருதியை 2025: தங்கம் வாங்க உகந்த நாள், நேரம் எது? முழுமையான தகவல் உள்ளே!
அட்சய திருதியை 2025 – முழு தகவல் மற்றும் பொன் வாங்க சிறந்த நேரம்!
அட்சய திருதியை என்பது நம் பாரம்பரியத்தில் மிகவும் முக்கியத்துவம் வாய்ந்த ஒரு புனித நாள். இந்த நாளில் நாம் செய்யும் நல்ல காரியங்கள் நம்முடைய வாழ்வில் தொடர்ந்து வளர்ச்சியையும் செழிப்பையும் தரும் என்று நம்பப்படுகிறது.
அட்சய என்றால் “அளவில்லாத” அல்லது “நிறைவற்ற” என்று பொருள்படும். அதாவது, அந்த நாளில் தொடங்கும் எந்த காரியமும் வளர்ச்சியைத் தரும் என்பது நம்பிக்கை.
அட்சய திருதியையின் ஆன்மிக முக்கியத்துவம்
இந்த நாளில் தங்கம், வெள்ளி போன்ற மதிப்புமிக்க பொருட்களை வாங்குவது மிகுந்த பாக்கியத்தை தரும்.
மஞ்சள், உப்பு போன்ற அன்றாடப் பொருட்களையே வாங்கினாலும் கூட, அது வீட்டில் செல்வம் பெருக வழிவகுக்கும் என நம்பப்படுகிறது.
குரு பகவான் தங்கத்தை பிரதிநிதியாகக் கொண்டதால், 3-ஆம் எண்ணை பிரதிநிதிக்கின்ற திரிதியை திதியில் தங்கம் வாங்குவது குரு கிருபையை பெறும் வழியாகக் கருதப்படுகிறது.
தானம் செய்யும் சிறப்பு நாள்
இந்த நாளில் தங்கம் வாங்குவதுடன் மட்டும் நிறுத்தாமல், அன்னதானம், தானம் செய்வதும் சாஸ்திரப்படி சிறந்ததாக கருதப்படுகிறது.
அரிசி, பானகம், தயிர் சாதம், நீர்மோர் போன்றவற்றை ஏழை எளியவர்களுக்கு அளித்தால் மகாலட்சுமியின் அருள் பெருகும்.
அட்சய திருதியை 2025 தேதி & நேரம்:
தேதி: ஏப்ரல் 30, 2025 (பிற்பகல் வரையிலான உதய திதியின்படி)
திரிதியை ஆரம்பம்: ஏப்ரல் 29, 2025 – மாலை 05:29 மணி
திரிதியை முடிவு: ஏப்ரல் 30, 2025 – பிற்பகல் 02:12 மணி
தங்கம் வாங்க உகந்த நேரம் (Shubh Muhurat):
ஏப்ரல் 30, 2025 – காலை 05:41 மணி முதல் மதியம் 12:18 மணி வரை
இந்த நேரத்தில் தங்கம், வெள்ளி அல்லது பிற மதிப்புமிக்க பொருட்களை வாங்குவது பெரும் லாபத்தையும் நன்மையையும் தரும்.
