யூனியன் பேங்க் ஆஃப் இந்தியாவில் 1865 அப்ரண்டிஸ் வேலைவாய்ப்பு.. டிகிரி முடித்தவர்கள் உடனே விண்ணப்பிக்கலாம்!

Union Bank of India பொதுத்துறை வங்கியில் அப்ரண்டிஸ் பயிற்சி பணியிடங்களை நிரப்புவதற்கான புதிய வேலைவாய்ப்பு அறிவிப்பு வெளியாகியுள்ளது. இந்தியா முழுவதும் மொத்தம் 1865 காலிப்பணியிடங்கள் நிரப்பப்பட உள்ளன. இதில் தமிழகத்தில் மட்டும் 95 இடங்கள் ஒதுக்கப்பட்டுள்ளன.

இந்த வேலைவாய்ப்புக்கு தகுதியும் ஆர்வமும் உள்ள பட்டதாரிகள் ஆன்லைன் மூலம் விண்ணப்பிக்கலாம். விண்ணப்பிக்க கடைசி தேதி 19 மே 2026 என அறிவிக்கப்பட்டுள்ளது.

பணியின் விவரம்

பணி பெயர்: Apprentice
மொத்த காலியிடங்கள்: 1865

கல்வித் தகுதி

அங்கீகரிக்கப்பட்ட பல்கலைக்கழகத்தில் ஏதேனும் ஒரு இளங்கலைப் பட்டப்படிப்பை முடித்திருக்க வேண்டும்.

வயது வரம்பு

விண்ணப்பதாரர்கள் 20 வயது முதல் 28 வயதுக்குள் இருக்க வேண்டும்.

மத்திய அரசு விதிகளின்படி வயது தளர்வு வழங்கப்படும்:

• எஸ்.சி / எஸ்.டி பிரிவினர் – 5 ஆண்டுகள்
• ஓ.பி.சி பிரிவினர் – 3 ஆண்டுகள்
• மாற்றுத்திறனாளிகள் – 10 ஆண்டுகள்

மாத ஊக்கத்தொகை

தேர்வு செய்யப்படுபவர்களுக்கு மாதம் ரூ.15,000 ஊக்கத்தொகை வழங்கப்படும்.

தேர்வு முறை

இந்த பணியிடங்களுக்கு கணினி வழித் தேர்வு நடத்தப்படும். தேர்வில் மொத்தம் 100 கேள்விகள் இடம்பெறும்.

கேள்விகள் இடம்பெறும் பகுதிகள்:

• பொது அறிவு மற்றும் வங்கி தொடர்பான கேள்விகள்
• கணிதம் மற்றும் திறனறி
• ஆங்கிலம்
• கணினி அறிவு

ஒவ்வொரு பிரிவிலும் 25 கேள்விகள் கேட்கப்படும். தேர்வு மொத்தம் 100 மதிப்பெண்களுக்கு ஒரு மணி நேரம் நடைபெறும்.

விண்ணப்பிக்கும் முறை

விருப்பமுள்ளவர்கள் NATS அதிகாரப்பூர்வ இணையதளம் மூலம் ஆன்லைனில் விண்ணப்பிக்க வேண்டும்.

விண்ணப்பக் கட்டணம்

• பொதுப் பிரிவினர் – ரூ.800
• எஸ்.சி / எஸ்.டி மற்றும் பெண்கள் – ரூ.600
• மாற்றுத்திறனாளிகள் – ரூ.400

கடைசி தேதி

விண்ணப்பிக்க இறுதி நாள்: 19.05.2026

வேலைவாய்ப்பு தொடர்பான கூடுதல் விவரங்களை அதிகாரப்பூர்வ அறிவிப்பில் அறிந்து கொள்ளலாம்.