சிறு தொழில்
ரூ.2 லட்சம் முதலீட்டில் மதம் ரூ.80,000 வரை வருமானம் பெற சூப்பர் பிஸ்னஸ் ஐடியா!
மாத சம்பளத்திற்கு வேலைக்குச் செல்லும் பலருக்கும் நாம் ஏன் ஒரு பிஸ்னஸ் தொடங்க கூடாது, எத்தனை நாள் தான் ஏதோ ஒரு நிறுவனத்தில் வேலை பார்த்துக்கொண்டே இருக்க முடியும் என்ற எண்ணம் தோன்றி இருக்கும். ஆனால் என்ன பிஸ்னஸ் செய்வது என்று கேட்டால் அதில் மிகப் பெரிய குழப்பம் இருக்கும்.
அப்படி என்ன பிஸ்னஸ் செய்வது என்ற குழப்பத்தில் உள்ளவர்களுக்கு இது மிகவும் உதவியாக இருக்கும் என நம்புகிறேன். கடந்த சில ஆண்டுகளாக பிளாஸ்டிக் எதிரான விழிப்புனர்கள் அதிகளவில் உள்ள நிலையில், நாம் ஜூஸ், இளநீர் குடிக்க பயன்படுத்தும் ஸ்டிராவும் இப்போது பேப்பராக மாறி வருகிறது. அதுமட்டுமல்லாமல் இந்த பேப்பர் ஸ்டிரா தயாரிப்புக்குச் சந்தையில் அதிக டிமாண்ட் உள்ளதாகக் கூறப்படுகிறது.
ஜூஸ், இளநீர் கடைகள் மட்டுமல்லாமல் பவுச் வடிவில் இப்போது ஜூஸ், பால் வகைகள் விற்பனை செய்வது அதிகரித்து வருகிறது. இப்படி பல்வேறு தயாரிப்புகளைச் செய்யும் நிறுவனங்களுக்கு பேப்பர் ஸ்டிரா தேவை அதிகம் உள்ளது.
இப்படி தேவை அதிகரித்து வரும் இந்த பேப்பர் ஸ்டிராவை தயாரிப்பது எப்படி? அதனைத் தயாரிக்கத் தேவையான மூலப்பொருட்கள் என்ன? என்ன லைசன்ஸ் வாங்க வேண்டும் என்ற உங்களது பல்வேறு கேள்விகளுக்கான பதில்களை இங்கு இப்போது விளக்காகத் தெரிந்துகொள்வோம்.
பேப்பர் ஸ்டிரா தயாரிப்பு பிஸ்னஸ்: ஏன் இதற்கு இப்போது டிமாண்ட் அதிகம்?
பிளாஸ்டிக் எதிரான பிரச்சாரம் மற்றும் மக்கள் மனநிலை அதிகரித்து வரும் நிலையில், சுற்றுச் சூழலை பாதிக்காத, எளிதில் மக்கக் குடிய இந்த பேப்பர் ஸ்டிராக்களின் தேவை அதிகரித்துள்ளது.
பேப்பர் ஸ்டிரா உற்பத்தி செய்யும் மெஷின் எங்கு கிடைக்கும்?
பேப்பர் ஸ்டிராக்களை பல்வேறு வகையில், அளவில், வடிவங்களில் தயாரிக்கும் மெஷின்களை சந்தையில் 1.25 லட்சம் ரூபாயிலிருந்து கிடைக்கின்றன. அவற்றை நாம் வாங்கும் போதே அதனை எப்படிப் பயன்படுத்துவது எனவும் நமக்குப் பல நிறுவனங்கள் பயிற்சிகளை வழங்குகின்றன. மூலப் பொருட்களை வாங்கவும் இந்த நிறுவனங்களே நமக்கு உதவுகின்றன.
பேப்பர் ஸ்டிரா பிஸ்னஸ் தொடங்க முதலீடு எவ்வளவு தேவைப்படும் ? கடன் கிடைக்குமா?
முழுமையாக ஆட்டோமேட்டிக் பேப்பர் ஸிடிரா மேக்கிங் ஆலை தொடங்க 20 லட்சம் ரூபாய் வரை செலவு ஆகலாம். ஆனால் 1.94 லட்சம் ரூபாய் முதலீடு செய்தால் போதும், மீத பணத்தை கடன் மூலம் பெற்றுக்கொள்ளலாம். அரசு மானியமும் வழங்கும். மின்சாரம், மெஷின், என அனைத்துக்கும் மானியம் கிடைக்கும் என காதி, கிராம தொழில் ஆணையம் கூறுகிறது.
பேப்பர் ஸ்டிரா பிஸ்னஸ் லாபகரமானதா?
காதி, கிராம தொழில் ஆணையம் தகவலின் படி மாதம் 80,000 ரூபாய் வரை வருமானம் கிடைக்கும் என தெரிவித்துள்ளது.
பேப்பர் ஸ்டிராவை விற்பனை செய்வது எப்படி?
பேப்பர் ஸ்டிரா பிஸ்னஸ் தொடங்குபவர்கள், தங்களது ஊர் மற்றும் அதன் அருகில் உள்ள ஜூஸ் கடைகள், இளநீர் கடைகள், மொத்த விற்பனை கடைகள் மூலம் விற்பனை செய்து லாபம் பார்க்கலாம். மேலும் பல ஜூஸ் பவுச் தயாரிப்பு நிறுவனங்கள் இப்போது பேப்பர் ஸ்டிராவுக்கு மாறி வருகின்றன. அந்த நிறுவனங்களைத் தொடர்புகொண்டு இந்த ஸ்டிராக்களை விற்பனை செய்யலாம்.
