சினிமா செய்திகள்

விஷாலின் அடுத்த படத்தின் டைட்டில் போஸ்டர்: வைரல் வீடியோ!

Published

on

விஷால் நடிப்பில் வினோத் குமார் என்பவர் இயக்கத்தில் உருவாகி வரும் ’விஷால் 32’ என்ற திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் டைட்டில் போஸ்டர் குறித்த வீடியோ ஒன்று சற்றுமுன் வெளியாகி இணையத்தில் வைரலாகி வருகிறது.

விஷால் நடிக்கும் இந்த திரைப்படத்தை அவருடைய நெருங்கிய நண்பர்களான ராணா மற்றும் ரமணா ஆகியோர் தயாரித்து வருகின்றனர் என்பதும் இந்த படத்திற்கு ’லத்தி சார்ஜ்’ என்ற டைட்டில் வைக்கப்பட்டுள்ளது என்பது குறிப்பிடத்தக்கது. லத்திசார்ஜ் படத்தின் டைட்டில் வீடியோ இணையத்தில் வைரலாகி வரும் நிலையில் இந்த வீடியோவில் விஷால் ஒரு காவல்துறை அதிகாரி கேரக்டரில் நடித்துள்ளார் என்பது தெரியவந்துள்ளது.

இந்த படத்தில் 11 வருடங்களுக்குப் பிறகு விஷாலுடன் மீண்டும் இணைந்து நடிகை சுனைனா நடித்து வருகிறார் என்பதும் அவருக்கு இந்த படத்தில் திருப்புமுனையை ஏற்படுத்தும் கேரக்டர் கொடுக்கப்பட்டுள்ளதாக இயக்குனர் வினோத் குமார் ஏற்கனவே பேட்டி ஒன்றில் தெரிவித்துள்ளார் என்பது குறிப்பிடத்தக்கது.

சாம் சிஎஸ் இசையமைக்கும் இந்த படத்தின் படப்பிடிப்பு ஐம்பது சதவிகிதத்திற்கும் மேல் முடிந்து விட்டதாகவும் இந்த ஆண்டு இறுதிக்குள் இந்த படத்தின் ஒட்டுமொத்த படப்பிடிப்பும் முடிந்து விடும் என்றும் கூறப்பட்டு வருகிறது.

விஷால் ஏற்கனவே ’எனிமி’ என்ற திரைப்படத்தில் நடித்து முடித்து உள்ளார் என்பதும் அந்த படம் வரும் தீபாவளி அன்று வெளியாக உள்ளது என்பது குறிப்பிடத்தக்கது. மேலும் அவர் ’வீரமே வாகை சூடும்’ என்ற திரைப்படத்திலும் ’துப்பறிவாளன் 2’ என்ற திரைப்படத்தில் நடித்து வருகிறார் என்பது குறிப்பிடத்தக்கது.

#Vishal32 Title Teaser | Tamil | Vishal | A.Vinoth Kumar | Sam C.S | Ramana | Nandaa

Trending

Exit mobile version