சினிமா செய்திகள்
மனைவியை விவாகரத்து செய்தார் இசையமைப்பாளர் டி இமான்!
பிரபல இசையமைப்பாளர் டி இமான் தனது மனைவியை விவாகரத்து செய்திருப்பதாக அதிகாரப்பூர்வமாக அறிவித்துள்ளார்.
திரை உலகில் அவ்வப்போது பிரபலங்கள் தங்களது துணையை விவாகரத்து செய்வது குறித்த அறிவிப்பை வெளியிட்டு வருகிறார்கள் என்பதை பார்த்து வருகிறோம். சமீபத்தில் கூட நடிகை சமந்தா தனது கணவர் நாக சைதன்யாவை விவாகரத்து செய்தார் என்பது குறிப்பிடத்தக்கது.
இந்த நிலையில் சற்று முன் பிரபல இசையமைப்பாளர் டி இமான் அவர்கள் தனது டுவிட்டர் பக்கத்தில் தனது மனைவி மோனிகா ரிச்சார்ட் என்பவரை விவாகரத்து செய்வதாக அறிவித்துள்ளார். இந்த அறிவிப்பு அவரது ரசிகர்களுக்கு பெரும் அதிர்ச்சியை ஏற்படுத்தியுள்ளது
கடந்த 2008 ஆம் ஆண்டு இமான் மற்றும் மோனிகா ரிச்சர்ட் ஆகிய இருவருக்கும் திருமணம் நடந்தது என்பதும் இந்த தம்பதிக்கு இரண்டு குழந்தைகள் உள்ளனர் என்பதும் குறிப்பிடத்தக்கது டி இமான் தனது விவாகரத்து குறித்த அறிவிப்பில் நாங்கள் இருவரும் பரஸ்பரம் விவாகரத்து செய்து கொண்டோம் என்றும் இனி நாங்கள் கணவன் மனைவியாக இல்லை என்றும் எங்களது தனிப்பட்ட வாழ்க்கையை தொடர அனைவரும் ஒத்துழைப்பு கொடுக்க வேண்டும் என்றும் கேட்டு கொண்டுள்ளார்.
— D.IMMAN (@immancomposer) December 29, 2021