தமிழ்நாடு
ஆவின் பால் விலை நாளை முதல் உயர்வு… புதிய விலை குறித்த முழு விவரங்கள்!
ஆவின் பால் விலை நாளை முதல் 6 ரூபாய் வரை உயர்வதாக அறிவிக்கப்பட்டுள்ளது. எனவே நாளை முதல் என்ன விலை கொடுத்து ஆவின் பாக்கெட் பால் விற்பனை செய்யப்படும் என்ற முழு விவரங்களை இங்கு விளக்கமாகப் பார்க்கலாம்.
கொள்முதல் விலை எவ்வளவு?
இன்று வரை பசும் பால் 1 லிட்டர் 28 ரூபாய் என்று ஆவின் நிறுவனம் கொள்முதல் செய்துவந்த நிலையில் நாளை முதல் 4 ரூபாய் உயர்த்தப்பட்டு 32 ரூபாயாக கொள்முதல் செய்யப்பட உள்ளது. அதே நேரம் எருமைப் பால் கொள்முதல் விலை 35 ரூபாயிலிருந்து 6 ரூபாய் உயர்த்தப்பட்டு 41 ரூபாயாக அறிவிக்கப்பட்டுள்ளது.
ஆவின் பால் பாக்கெட் சில்லறை விற்பனை விலை நிலவரம்:
நீலம் நிறம் ஆவின் பாக்கெட் பால் விலை லிட்டர் 37 ரூபாயிலிருந்து 43 ரூபாயாகவும், பச்சை பாக்கெட்டின் விலை 41 ரூபாயிலிருந்து 47 ரூபாயாகவும், ஆரஞ்சு பால் பாக்கெட் விலை 45 ரூபாயிலிருந்து 51 ரூபாயாகவும் விலை உயர்த்தப்பட்டுள்ளது.
ஆவின் பால் அட்டைதாரர்களுக்கான விலை நிலவரம்:
நீலம் நிற ஆவின் பாக்கெட் பால் விலை லிட்டர் 34 ரூபாயிலிருந்து ரூபாயாகவும், பச்சை நிற பாக்கெடின் விலை 39 ரூபாயிலிருந்து 45 ரூபாயாகவும், ஆரஞ்சு நிற பால் பாக்கெட்டின் விலை 43 ரூபாயிலிருந்து 49 ரூபாயாகவும், மெஜெந்தா பால் பாக்கெட் விலை 35 ரூபாயிலிருந்து 41 ரூபாயாகவும் விலை உயர்த்தப்பட்டுள்ளது.
மாதாந்திர பால் அட்டை வைத்திருப்பவர்களுக்கு எவ்வளவு கூடுதல் செலவு?
ஆவினின் மாதாந்திர பால் அட்டை வைத்திருப்பவர்களுக்கு இனி மாதத்திற்கு 180 ரூபாய் வரை கூடுதல் செலவாகும்.