சினிமா செய்திகள்
அரவிந்த்சாமியின் கர்ஜனை குரலில் தி லயன் கிங் டிரைலர்!
டிஸ்னியின் தி லயன் கிங் அனிமேஷன் திரைப்படம் வரும் ஜூலை 19ம் தேதி உலகம் முழுவதும் ரிலீசாகிறது. இந்த படத்தின் தமிழ் வெர்சனுக்கு கதையின் நாயகன் சிம்பா குரலுக்கு நடிகர் சித்தார்த் குரல் கொடுத்துள்ளார்.
தி லயன் கிங் படத்தில், சிம்பாவின் தகப்பன் சிங்கமான ஸ்கேருக்கு நடிகர் அரவிந்த்சாமி குரல் கொடுத்திருப்பது ஆப்டாகவும் கர்ஜனையாகவும் இருக்கிறது என கமெண்டில் ரசிகர்கள் பாராட்டுக்களை குவித்து வருகின்றனர்.
மேலும், எண்ட்கேமுக்கு முன்னதாக அயன்மேனுக்கு குரல் கொடுத்து வந்த ரவிஷங்கரும் இந்த படத்தில் முக்கிய கதாபாத்திரத்திற்கு குரல் கொடுத்துள்ளார். நடிகர் ரோபோ ஷங்கர் பும்பாவுக்கு குரல் கொடுத்துள்ளார்.
மேலும், நடிகை ஐஸ்வர்யா ராஜேஷ் நாயகி சிங்கத்துக்கு குரல் கொடுத்துள்ளார். இவர்களை தவிர ரோகிணி, மனோபாலா, சிங்கம் புலி ஆகிய நட்சத்திரங்களும் குரல் கொடுத்துள்ளனர்.
குழந்தைகள் கொண்டாடும் படமாக இந்த படம் இருக்கும் என எதிர்பார்க்கப்படுகிறது.