சினிமா

Manobala death: நடிகர் மனோபாலா திடீர் மரணம்.. ஷாக்கான திரையுலகம்!

Published

on

இயக்குநர், தயாரிப்பாளர், நடிகர், சீரியல் இயக்குநர் என ஆல் இன் ஆல் அழகுராஜாவாக சினிமாவில் வலம் வந்து ரசிகர்களையும் சினிமா பிரபலங்களையும் சிரிக்க வைத்து வந்த நடிகர் மனோபாலா உடல்நலக்குறைவு காரணமாக இன்று காலமானார். அவருக்கு வயது 69.

பாரதிராஜாவின் உதவி இயக்குநராக சினிமாவுக்குள் நுழைந்த மனோபாலா ரஜினிகாந்த், விஜயகாந்த், மோகன் உள்ளிட்ட முன்னணி நடிகர்களின் படங்களை இயக்கி உள்ளார். ரஜினிகாந்தின் ஊர்க்காவலன் படத்தின் இயக்குநரான மனோபாலாவின் மறைவுக்கு ரஜினிகாந்த் இரங்கல் தெரிவித்துள்ளார்.

#image_title

முதலமைச்சர் மு.க. ஸ்டாலின், எதிர்க்கட்சி தலைவர் எடப்பாடி பழனிச்சாமி, பாஜக கட்சியை சேர்ந்த முருகன் உள்ளிட்ட அரசியல் தலைவர்களும் இரங்கல் தெரிவித்துள்ளனர்.

கமல்ஹாசன், விஜயகாந்த், லோகேஷ் கனகராஜ், விஷால் உள்ளிட்ட பலர் சமூக வலைதளங்களில் இரங்கல் தெரிவிக்க, இயக்குநர் மணிரத்னம், பிசி ஸ்ரீராம், ஆர்யா உள்ளிட்ட பிரபலங்கள் நேரில் வந்து அஞ்சலி செலுத்தி உள்ளனர்.

சென்னை சாலிகிராமத்தில்  உள்ள மனோபாலாவின் இல்லத்தில் அவரது உடல் அஞ்சலிக்காக வைக்கப்பட்டுள்ளது. நாளை காலை 10 மணிக்கு வளசரவாக்கம் மின் மயானத்தில் மனோபாலாவின் உடல் தகனம் செய்யப்பட உள்ளது குறிப்பிடத்தக்கது.

அனைவரையும் சிரிக்க வைத்து வாழ்ந்த கலைஞன் மறைவால் ரசிகர்கள் மற்றும் பிரபலங்கள் என பலரும் கண்ணீர் சிந்தி வருகின்றனர்.

Trending

Exit mobile version