சினிமா செய்திகள்
’தனுசு ராசி நேயர்களே’ இது உங்களுக்கான படம்!
பிக்பாஸ் நிகழ்ச்சியில் கலந்து கொண்ட பின்னர் நடிகர் ஹரிஷ் கல்யாணுக்கு சினிமா உலகில் ரெண்டாவது இன்னிங்ஸ் அருமையாகவே ஓப்பனிங் ஆகியுள்ளது.
யுவன் சங்கர் ராஜா தயாரிப்பில் வெளியான பியார் பிரேமா காதல் வெற்றியைத் தொடர்ந்து, சமீபத்தில் வெளியான இஸ்பேடு ராஜாவும் இதய ராணியும் படமும் ஹரிஷ் கல்யாணுக்கு நல்ல வசூலையே ஈட்டித் தந்துள்ளது.
இந்நிலையில், தனது அடுத்த படத்தின் அறிவிப்பை ஹரிஷ் கல்யாண் சமூக வலைதளத்தின் வாயிலாக வெளியிட்டுள்ளார்.
இயக்குநர் ஏ.எல். விஜய்யின் உதவி இயக்குநரான சஞ்சய் பாரதி இயக்கத்தில், ‘தனுசு ராசி நேயர்களே’ என்ற வித்தியாசமான தலைப்பில் ஹரிஷ் கல்யாண் நடிக்கும் புதிய படம் ஆரம்பமாகி உள்ளது.
ஜிப்ரான் இசையமைக்கும் இந்த படத்திற்கான நாயகிகள் தேர்வு நடந்து வருவதாகவும் படக்குழு அறிவித்துள்ளது.