செய்திகள்
பெண்ணுடன் வீடியோ காலில் செக்ஸ் சாட்?… பாஜக கே.டி.ராகவன் ராஜினாமா…
பாஜக மாநில செயலாளராக இருந்தவர் கே.டி.ராகவன். தொலைக்காட்சி விவாதங்களில் பாஜகவுக்கு ஆதரவாக பல வருடங்களாக பேசி வருபவர்.
இந்நிலையில், அவர் செல்போன் வீடியோ கால் மூலம் ஒரு பெண்ணுடன் ஆபாசமாக பேசும், நடந்து கொள்ளும் வீடியோ யுடியூப்பில் வெளியாகி அதிர்ச்சியை ஏற்படுத்தியது. அதுவும், அவரின் வீட்டின் பூஜையறையிலேயே அவர் ஆபாசமாக நடந்து கொள்ளும் காட்சிகள் அதில் இடம் பெற்றுள்ளது.
இதைத்தொடர்ந்து இந்த விவகாரத்தை கையில் எடுத்த நெட்டிசன்கள் டிவிட்டரில் ‘#பாலியல்_ஜல்சா_கட்சி என்கிற ஹேஷ்டேக்குடன் கே.டி.ராகவனையும், பாஜகவையும் கடுமையாக விமர்சித்து வருகின்றனர். எனவே, அவர் தனது பாஜக மாநில செயலாளர் பதவியை ராஜினாமா செய்துள்ளார். மேலும், டிவிட்டரில் அவர் பதிவிட்டுள்ளதாவது:
‘தமிழக மக்களுக்கும் கட்சியினருக்கும் நான் யாரென்று தெரியும்…என்னை சார்ந்தவர்களுக்கும் நான் யார் என்று தெரியும்…நான் 30 வருடமாக எந்த ஓரு பிரதி பலனும் இன்றி பணியாற்றி வருகிறேன்..இன்று காலை சமூக வலைத்தளங்களில் என்னை பற்றி ஒரு வீடியோ வெளி வந்ததை அறிந்தேன்…
என்னையும் என்கட்சியையும் களங்கபடுத்த இந்த வீடியோ வெளியிடப்பட்டுள்ளது. இன்று மரியாதைக்குரிய மாநிலத்தலைவர் அண்ணாமலை அவர்களை சந்தித்து ஆலோசனை செய்தேன்.நான் என்னுடைய கட்சி பொறுப்பை ராஜினாமா செய்கிறேன். குற்றச்சாட்டுகளை மறுக்கிறேன். சட்டபடி சந்திப்பேன். தர்மம் வெல்லும்!’ என பதிவிட்டுள்ளார்.