கலைஞர் மகளிர் உரிமைத்தொகை: 1.63 லட்சம் குடும்பங்களுக்கு ரூ.8000 – முதலமைச்சர் மு.க.ஸ்டாலின் முக்கிய அறிவிப்பு!

தமிழ்நாடு அரசு தொடர்ந்து மக்கள் நலத் திட்டங்களில் புதிய அறிவிப்புகளை வெளியிட்டு வருகிறது. அந்த வரிசையில், மு.க.ஸ்டாலின் இன்று பல்வேறு சமூக பாதுகாப்பு பயனாளிகள் மற்றும் மீனவர் குடும்பங்களுக்கு சிறப்பு நிதி உதவி வழங்கப்படுவதாக முக்கிய அறிவிப்பை வெளியிட்டுள்ளார்.

முன்னதாக, கலைஞர் மகளிர் உரிமைத்திட்டத்தின் கீழ் பெண்களுக்கு கோடைக்கால சிறப்பு ஊக்கத் தொகையாக ரூ.2000 வழங்கப்பட்டிருந்தது. இந்த தொகை பிப்ரவரி மாதத்தில் வழங்கப்பட்டதால் பலர் வங்கிக் கணக்கில் பணம் வரவு செய்யப்பட்டதை பார்த்து மகிழ்ச்சி அடைந்தனர்.

இந்தத் திட்டத்தைத் தொடர்ந்து, கலைஞர் மகளிர் உரிமைத்தொகை பெறாத ஆனால் அரசின் பிற ஓய்வூதியத் திட்டங்களில் பயன்பெற்று வரும் முதியோர், கைம்பெண்கள், வயது முதிர்ந்த திருநங்கைகள் மற்றும் மாற்றுத்திறனாளிகள் ஆகியோருக்கும் சிறப்பு நிதி வழங்க வேண்டும் என்ற கோரிக்கைகள் எழுந்தன. அந்த கோரிக்கையை ஏற்று, மார்ச் மாத ஓய்வூதியத்துடன் சேர்த்து ரூ.2000 நலிவு நிலை போக்கும் சிறப்பு நிதி வழங்கப்பட்டுள்ளது.

📌 பயனாளிகள் விவரம்:

• சமூகப் பாதுகாப்புத் திட்டங்களின் கீழ் பயன்பெறும் 29.29 லட்சம் முதியோர் மற்றும் கைம்பெண்களுக்கு தலா ரூ.3200

• 5.92 லட்சம் மாற்றுத்திறனாளிகளுக்கு தலா ரூ.3500

• பராமரிப்பு உதவித்தொகை பெறும் 2.58 லட்சம் மாற்றுத்திறனாளி குடும்பங்களுக்கு தலா ரூ.4000

🎣 மீனவர் குடும்பங்களுக்கு ரூ.8000

ஏப்ரல் முதல் ஜூன் வரை மீன்பிடித் தடை காலத்திற்கான உதவித் தொகையாக, குடும்பம் ஒன்றுக்கு ரூ.8000 வீதம் மொத்தம் 1,62,900 மீனவர் குடும்பங்களுக்கு வழங்கப்படுகிறது. இது கடலோர வாழ்வாதாரத்தை பாதுகாக்கும் முக்கிய நடவடிக்கையாக பார்க்கப்படுகிறது.

🌱 தேயிலை விவசாயிகளுக்கு நிதி

நீலகிரி மாவட்டம் சேர்ந்த 14,870 தேயிலை விவசாயிகள் பயன்பெறும் வகையில், 15 கூட்டுறவு தேயிலை தொழிற்சாலைகள் மூலம் கொள்முதல் செய்யப்பட்ட பசுந்தேயிலைக்கு கிலோக்கு ரூ.2 ஆதார விலை வழங்கப்படுகிறது. இதற்காக மொத்தம் ரூ.8.53 கோடி நிதி ஒதுக்கப்பட்டுள்ளது.

தமிழ்நாட்டின் வளர்ச்சிப் பயணத்தில் எந்த ஒரு குடும்பமும் பின்தங்காமல் இருக்க நடவடிக்கைகள் தொடரும் என முதலமைச்சர் மு.க.ஸ்டாலின் உறுதியளித்துள்ளார்.