உலகம்

ஆஸ்கர் விருதை பெற்றவர்கள் விற்க முடியுமா? எவ்வளவுக்கு வாங்குவார்கள்?

Published

on

ஆஸ்கர் விருது என்பது திரை உலகினரை பொறுத்தவரை கௌரவமான விருது என்பதும் திரையுலகில் இருக்கும் ஒவ்வொருவரும் ஆஸ்கார் விருதை பெற வேண்டும் என்பதை தங்களது வாழ்நாள் லட்சியமாக வைத்திருப்பார்கள் என்பதும் குறிப்பிடத்தக்கது.

இந்த நிலையில் கடின உழைப்பின் மூலம் கிடைத்த ஆஸ்கார் விருதை விற்பனை செய்ய முடியுமா? அப்படியே விற்பனை செய்தாலும் எவ்வளவு தொகைக்கு விற்பனை செய்ய முடியும் என்பது குறித்து தற்போது பார்ப்போம்.

ஆஸ்கர் விருதின் சிலை என்பது தங்கம் மூலம் பூசப்பட்ட வெண்கல சிலை என்பதும் இதை தயாரிக்க ஆஸ்கார் அமைப்புக்கு 400 டாலர் செலவாகும் என்பது குறிப்பிடத்தக்கது. 400 டாலர் மதிப்பு என்பதைவிட இந்த விருதை பெறும் கலைஞருக்கு கிடைக்கும் புகழ் என்பது விலைமதிப்பில்லாதது என்பது குறிப்பிடத்தக்கது.

கடந்த 1951 ஆம் ஆண்டில் அகடமி ஆப் மோஷன் பிக்சர் ஆர்ட்ஸ் அண்ட் சயின்ஸ் என்ற அமைப்புதான் இந்த விருதை வழங்க ஆரம்பித்தது என்பதும் குறிப்பிடத்தக்கது. ஆஸ்கர் விருதை பெற்றவர்கள் அதை விற்க முடியுமா என்றால் கண்டிப்பாக விற்க முடியாது. ஒருவேளை ஆஸ்கார் விருதை விற்க விரும்பினால் அவர்கள் மீண்டும் ஆஸ்கார் அமைப்பிடமே கொடுக்க வேண்டும் என்றும் அதற்கு பதிலாக ஆஸ்கார் அமைப்பு ஒரு டாலர் மட்டும் கொடுக்கும் என்பது குறிப்பிடத்தக்கது.

ஆஸ்கார் விருதை விற்பது சட்டவிரோதம் என்றும் அதை விற்பதற்கு அந்த விருதை பெற்றவர்களுக்கு எந்தவிதமான உரிமையும் இல்லை என்றும் ஒப்பந்தம் கையெழுத்தான பிறகு தான் ஆஸ்கர் விருது வழங்கப்படும் என்பது குறிப்பிடத்தக்கது. ஆஸ்கர் விருது பெற்றவர்கள் மட்டுமின்றி அவர்களுடைய வாரிசுகளும் ஆஸ்கர் விருதை விற்க முடியாது என்பது குறிப்பிடத்தக்கது.

ஆனால் ஆஸ்கார் விருதை விற்கக் கூடாது என்று கூறப்பட்டாலும் சுமார் 150 முதல் 200 விருதுகள் வரை விற்பனை செய்யப்பட்டுள்ளதாகவும் லட்ச கணக்கிலும் கோடிக்கணக்கிலும் அவை விற்பனை செய்யப்பட்டதாகவும் கூறப்பட்டது. இதன் பிறகு கடுமையான சட்ட திருத்தம் கொண்டு வந்து 1959க்கு பின்னர் ஆஸ்கர் விருதை விற்பவர்கள் மீது சட்ட நடவடிக்கை எடுக்கப்படும் என்று கூறப்பட்டது.

கடந்த சில ஆண்டுகளுக்கு முன்னால் ஆஸ்கார் விருதை திரும்ப ஒப்படைத்தால் பத்து டாலர் கிடைக்கும் என்று ஆஸ்கர் அமைப்பு குறிப்பிட்டு இருந்த நிலையில் தற்போது அது ஒரு டாலராக குறைக்கப்பட்டது என்பது குறிப்பிடத்தக்கது. எனவே ஆஸ்கர் விருதை பெற்றவர்கள் அதை விற்க விரும்பினால் அவர்களுக்கு ஒரு டாலர் மட்டுமே கிடைக்கும் என்பது குறிப்பிடத்தக்கது.

Trending

Exit mobile version