சினிமா
பேரனுக்காக ஆட்டோவில் பயணித்த ரஜினி!
பாட்ஷா படத்தில் ஆட்டோ டிரைவர் மாணிக்கம் கதாபாத்திரத்தில் நடித்த ரஜினி, பல வருடங்களுக்குப் பிறகு தனது பேரனுக்காக மீண்டும் ஆட்டோ பயணம் மேற்கொண்டார்.
பேட்ட படத்தின் ஷூட்டிங் முடிந்த நிலையில், தீவிர அரசியலில் ரஜினி ஈடுபடவுள்ளார். இந்நிலையில், போயஸ் கார்டனில் உள்ள தனது வீட்டில் இருந்து, ஆழ்வார்ப்பேட்டையில் உள்ள தனது மகள் ஐஸ்வர்யா தனுஷ் வீட்டிற்கு ஆட்டோவில் சென்றுள்ளார் ரஜினி.
ஐஸ்வர்யா தனுஷ் மகன் மற்றும் ரஜினியின் பேரனின் ஆசைக்காக, ஆட்டோவில் அவனது வீடு வரை சென்ற ரஜினி, சற்று நேரம் மகள் வீட்டில் இளைப்பாறி விட்டு, மீண்டும் தனது வீட்டிற்கு காரில் திரும்பினார்.
அந்த ஆட்டோ ஓட்டுநருக்கும் வழியில் ரஜினியின் எளிமையை பார்த்த ரசிகர்களுக்கும் நேற்று உற்சாக கொண்டாட்டம் தான்.