சினிமா செய்திகள்
டிசம்பரில் ரிலீசாகிறது கனா!
Happy to share the new poster of #Kanaa ? A Dream film from December 2018 ? #KanaaFromDecember #Sathyaraj sir @Arunrajakamaraj @aishu_dil @Darshan_Offl @dhibuofficial @KalaiArasu_ @AntonyLRuben pic.twitter.com/2rKeDRMMNc
— Sivakarthikeyan (@Siva_Kartikeyan) November 1, 2018
சிவகார்த்திகேயன் தயாரிப்பில் உருவாகியுள்ள கனா படம் வரும் டிசம்பர் மாதம் ரிலீசாகவுள்ளதாக அறிவிக்கப்பட்டுள்ளது.
கிங்ஸ் ஆஃப் காமெடியில் போட்டியாளராக தனது பயணத்தை தொடங்கிய நடிகர் சிவகார்த்திகேயன் கனா படத்தின் மூலம் தயாரிப்பாளர் அவதாரத்தை எடுத்துள்ளார். அவரது நெருங்கிய நண்பர் அருண்ராஜா காமராஜ் இயக்கத்தில் உருவாகியுள்ள கனா படம் வரும் டிசம்பர் மாதம் வெளியாகும் என்பதை சிவகார்த்திகேயன் தனது ட்விட்டர் பக்கத்தில் மகிழ்ச்சியுடன் தெரிவித்துள்ளார்.
இந்த படத்தில் சத்யராஜ் மற்றும் ஐஸ்வர்யா ராஜேஷ் லீடு ரோலில் நடித்துள்ளனர். கிராமத்து பெண்ணான ஐஸ்வர்யா ராஜேஷ் மகளிர் கிரிக்கெட்டில் எப்படி சாதனை செய்கிறார் என்பதாக திரைக்கதை அமைக்கப்பட்டுள்ளது. அவரது தந்தையாக சத்யராஜ் நடித்துள்ளார். இப்படத்தில் இடம்பெற்றுள்ள வாயடி பெத்தபுள்ள பாடல் சிவகார்த்திகேயனின் மகள் ஆராதனாவால் பாடப்பட்டு 5.6 கோடி பேர் யூடியூபில் பார்க்கும் அளவிற்கு மாபெரும் ஹிட்டடித்தது குறிப்பிடத்தக்கது.
மேலும், இப்படத்தில் சிவகார்த்திகேயனும் கேமியோ ரோலில் நடித்துள்ளதை டீஸரிலேயே காட்சியாக வைத்திருந்தனர்.