சினிமா செய்திகள்
தமிழ் சினிமாவில் நாயகியாகும் லாஸ்லியா? ஹீரோ யார் தெரியுமா?
நல்ல கதையம்சம் கொண்ட படங்களை தேர்வு செய்து நடித்து வரும் அருள்நிதி அடுத்து தான் நடிக்கவுள்ள படத்தில் நாயகியாக பிக்பாஸ் லாஸ்லியாவை ஒப்பந்தம் செய்துள்ளதாக தகவல்கள் வெளியாகியுள்ளன.
பிக்பாஸ் சீசன் 3 நிகழ்ச்சியை பலரும் பார்க்க ஒரே காரணமாக இருப்பவர் லாஸ்லியா தான். இலங்கையில் இருந்து இம்முறை விஜய் டிவி அவரை இறக்குமதி செய்துள்ளது.
அங்கு செய்தி வாசிப்பாளராக இருந்த லாஸ்லியாவின் தரிசனம் தினமும் பிக்பாஸ் நிகழ்ச்சியின் மூலம் தமிழக இளைஞர்களுக்கு கிடைத்து வருகிறது.
அவரது க்யூட்டான ஸ்மைல் மற்றும் பப்ளியான முகத்தோற்றமே அவரை பலருக்கும் பிடிக்கும் படி செய்து விடுகிறது.
வீட்டில் காலையில் எழுந்தவுடன் ஓவியா போல நடனமாடுகிறார். ஆனால், அதற்கடுத்து பெரும்பாலும், யார் பிரச்னைக்கும் செல்லாமல் எதிலும் சிக்காமல் சேஃப் கேம் ஆடிவருகிறார்.
இந்நிலையில், பிக்பாஸ் நிகழ்ச்சி முடிந்தவுடன் நடிகர் அருள்நிதி நடிக்கவுள்ள அடுத்த படத்தில் லாஸ்லியாவை கமீட் செய்யும் முயற்சிகள் நடந்து வருவதாகவும், 80 சதவீதம் அது உறுதியாகியுள்ளதாகவும் தகவல்கள் கசிந்துள்ளன.