சினிமா செய்திகள்
5 மில்லியன் பார்வையாளர்களை தாண்டிய ஆக்ஸிடெண்டல் பிரைம் மினிஸ்டர் டிரைலர்!
முன்னாள் இந்திய பிரதமர் மன்மோகன் சிங்கின் அரசியல் பயோபிக்காக வெளியாகியுள்ள ஆக்ஸிடெண்டல் பிரைம் மினிஸ்டர் டிரைலர் நேற்று வெளியாகி வைரலாகி வருகிறது.
சோனியா காந்தியை பிரதமராக ஏற்க முடியாத நிலை உருவான நேரத்தில் ஒரு விபத்தாக எப்படி இந்தியாவின் சிறந்த பொருளாதார நிபுணரான டாக்டர் மன்மோகன் சிங் பிரதமரானார் என்பதை அவரது உதவியாளர் ஆக்ஸிடெண்டல் பிரைம் மினிஸ்டர் என்ற புத்தகத்தை எழுதி பெரிய சர்ச்சையை கிளப்பினார்.
தற்போது அந்த நாவலை தழுவி அதே பெயரில் எடுக்கப்பட்டுள்ள ஆக்ஸிடெண்டல் பிரைம் மினிஸ்டர் திரைப்படத்தின் டிரைலர் நேற்று வெளியானது.
19 மணி நேரத்தில் இதுவரை 53 லட்சம் பேர் இந்த டிரைலரை பார்த்துள்ளனர். ஒரு மாஸ் ஹீரோவுக்கு கிடைக்கும் வரவேற்பை மன்மோகன் பயோபிக் டிரைலர் பெற்றுள்ளது.
இதில், அனுபம் கெர் மன்மோகன் சிங்காக அச்சு அசலாக தோன்றி நடித்துள்ளார். மேலும், சோனியா காந்தி, ராகுல் காந்தி, பிரியங்கா காந்தி என காங்கிரஸ் தலைவர்களாக பல நடிகர்கள் நடித்துள்ளனர். இந்த படத்தை விஜய் ரத்னாகர் குட்டா இயக்கியுள்ளார்.
அனுபம் கெர், அக்ஷய் கன்னா, சுசானா பெர்னட், ஆஹானா குமாரா, அர்ஜுன் மாத்தூர், விபின் ஷர்மா உள்ளிட்ட பலர் நடித்துள்ளனர்.