தொழில்நுட்பம்
BSNL Spark Fiber Broadband Plan: மாதம் ரூ.399-க்கு 50 Mbps வேகம், 3300GB டேட்டா – புதிய ஃபைபர் திட்டம் அறிமுகம்!
பொதுத்துறை தொலைத்தொடர்பு நிறுவனமான பிஎஸ்என்எல் (BSNL – Bharat Sanchar Nigam Limited), தனது ஃபைபர் பிராட்பேண்ட் வாடிக்கையாளர்களுக்காக “Spark” என்ற பெயரில் புதிய குறைந்த கட்டண திட்டத்தை அறிமுகப்படுத்தியுள்ளது. அதிக டேட்டா, நல்ல வேகம் மற்றும் கூடுதல் வசதிகளுடன் இந்த திட்டம் வடிவமைக்கப்பட்டுள்ளதாக தெரிவிக்கப்பட்டுள்ளது.
BSNL Spark Fiber Broadband Plan-இன் அறிமுக விலை மாதத்திற்கு ரூ.399 ஆகும். இந்த திட்டத்தின் மூலம் பயனர்களுக்கு 50 Mbps வேகத்தில் இணைய சேவை வழங்கப்படும். மேலும் மாதத்திற்கு மொத்தம் 3300GB அதிவேக டேட்டா கிடைக்கும் என்பது குறிப்பிடத்தக்க அம்சமாகும். வீட்டிலிருந்து வேலை செய்வோர், ஆன்லைன் வகுப்புகளில் ஈடுபடுவோர், வீடியோ ஸ்ட்ரீமிங் மற்றும் OTT பயனர்களுக்கு இந்த திட்டம் மிகவும் பயனுள்ளதாக இருக்கும் என எதிர்பார்க்கப்படுகிறது.
இந்த ரூ.399 அறிமுக சலுகை 12 மாதங்கள் மட்டும் செல்லுபடியாகும். ஒரு ஆண்டு முடிந்த பிறகு, இதே Spark திட்டத்தின் மாத கட்டணம் ரூ.449 ஆக மாற்றப்படும் என பிஎஸ்என்எல் அறிவித்துள்ளது. இந்த புதிய ஃபைபர் பிராட்பேண்ட் திட்டம் 2026 ஜனவரி 13 முதல் நடைமுறைக்கு வந்துள்ளது.
இணைய டேட்டாவுடன் சேர்த்து, இந்த Spark திட்டத்தில்
வரம்பற்ற குரல் அழைப்புகள்
பாதுகாப்பான இணைய உலாவல் (Secure Browsing)
போன்ற கூடுதல் வசதிகளும் வழங்கப்படுகின்றன. இந்த திட்டத்தை பெற விரும்பும் வாடிக்கையாளர்கள், பிஎஸ்என்எலின் 1800 4444 என்ற அதிகாரப்பூர்வ வாட்ஸ்அப் எண்ணுக்கு “HI” என்று மெசேஜ் அனுப்பினால் போதும். அதன்மூலம் தேவையான தகவல்களைப் பெற்று திட்டத்தை எளிதாக செயல்படுத்தலாம்.
இதற்கிடையே, பிஎஸ்என்எல் தனது மொபைல் ரீசார்ஜ் திட்டங்களிலும் கூடுதல் சலுகைகளை வழங்கி வருகிறது. கிறிஸ்துமஸ் பண்டிகையையொட்டி தொடங்கப்பட்ட கூடுதல் டேட்டா ஆஃபர், தற்போது 2026 ஜனவரி 31 வரை நீட்டிக்கப்பட்டுள்ளது. இந்த சலுகையின் கீழ், ரூ.225, ரூ.347, ரூ.485 மற்றும் ரூ.2399 ரீசார்ஜ் திட்டங்களில் பயனர்களுக்கு தினசரி 0.5GB கூடுதல் டேட்டா இலவசமாக வழங்கப்படுகிறது. இதனால் ரூ.225 திட்டத்தில் தினமும் 3GB டேட்டா, மற்ற திட்டங்களில் 2.5GB டேட்டா கிடைக்கும்.
