இந்தியா
தமிழ்நாட்டின் புதிய முதல்வராக பொறுப்பேற்றுக் கொண்டார் தவெக தலைவர் விஜய். முக்கிய மூன்று கோப்புகளில் கையெழுத்திட்டார்.
தமிழ்நாட்டின் 17 வது முதலமைச்சராக தமிழக வெற்றிக் கழக தலைவர் விஜய் இன்று காலை சென்னை நேரு உள் விளையாட்டரங்கில் நடந்த பதவியேற்பு விழாவில் தமிழ்நாடு ஆளுநர் பதவிப் பிரமாணம் செய்து வைக்க C.ஜோசப் விஜய் ஆகிய நான் என்று தொடங்கி முதலமைச்சராக பதவிப்பிரமாணம் எடுத்துக் கொண்டார்.
அவருடன் சேர்ந்து 9 அமைச்சர்களும் பதவிப் பிரமாணம் ஏற்றுக் கொண்டனர். இந்த நிகழ்ச்சியில் காங்கிரஸ் கட்சித் தலைவர் ராகுல்காந்தி அவர்கள் நேரில் வந்து கலந்து கொண்டார்.
இந்த நிகழ்ச்சியில் இதுவரை இல்லாத மாற்றமாக முதலில் வந்தே மாதரம் பாடலும் அதற்குப் பிறகு தேசிய கீதமும் பிறகு மூன்றாவதாக தமிழ்த்தாய் வாழ்த்துப் பாடலும் இசைக்கப்பட்டன.
அமைச்சர்களாக புஸ்ஸி ஆனந்த், ஆதவ்அர்ஜீனா, அருண்ராஜ், செங்கோட்டைய்யன், வெங்கடரமணன், நிர்மல்குமார், ராஜ்மோகன், பிரபு> கீர்த்தனா ஆகியொர் பதவிப்பிரமாணம் ஏற்றுக் கொண்டனர்.
இந்நிகழ்ச்சியில் பல்வேறு அரசியல் கட்சித் தலைவர்கள் முக்கிய பிரமுகர்கள் மற்றும் திரைப் பிரபலங்கள் மற்றம் தவெக கட்சியைச் சேர்ந்தவர்கள் பங்கேற்றுக் கொண்டனர்.
முக்கிய மூன்று கோப்புகளில் கையெழுத்திட்டார்
திரு.விஜய் முதல்வராக பொறுப்பேற்றுக் கொண்ட உடன் மூன்று முக்கிய கோப்புகளில் கையொப்பமிட்டு தனது உரையை ஆற்றினார்.
முதல் கையெழுத்து – 500 யுனிட் வரை மின்சாரம் பயன்படுத்தும் அனைத்து வீடுகளுக்கும் 2 மாதங்களுக்கு 200 யுனிட் வரை இலவச மின்சாரம் வழுங்கப்படும்.
2 வது கையெழுத்து – பெண்களுக்கு எதிரான குற்றங்களைத் தடுக்க சிங்கப் பெண் சிறப்புப் படை அமைக்கப்படும்.
3 வது கையெழுத்து – போதைப் பொருட்கள் இல்லாத மாநிலமாக தமிழ்நாட்டை மாற்ற வேண்டும் என்ற நோக்கில் போதைப்பொருள் கண்காணிப்பு மற்றும் கட்டுப்பாட்டுக் குழுக்கள் அமைக்கப்படும்.
பிற அமைச்சர்கள் சட்டமன்றம் கூடிய பிறகு தேர்ந்தெடுக்கப்பட்ட எம்எல்ஏக்களோடு சேர்ந்து பதவிப் பிரமாணம் எடுத்துக் கொள்வார்கள்.
முன்னதாக புதிய சட்டமன்றம் கூடிய உடன் தற்காலிக சபாநாயகர் நியமிக்கப்பட்டு 13ம் தேதி பெரும்பான்மை நிருபிக்கப்பட வேண்டும் என ஆளுநர் கேட்டுக் கொண்டுள்ளார்.
முதலமைச்சராக விஜய் பொறுப்பேற்றுக் கொண்டதற்கு பிரதமர் நரேந்திர மோடி வாழ்த்துத் தெரிவித்துள்ளார்.
முன்னதாக திரு.மு.க.ஸ்டாலின் அவர்களும் திரு விஜய்க்கு வாழ்த்துக்களை தெரிவித்துக் கொண்டார்.
