உலகின் சக்திவாய்ந்த பெண்கள் பட்டியல் வெளியீடு.. 41வது இடத்தில் நிர்மலா சீதாரமன்!

ஃபோர்ப்ஸ் நிறுவனம் வெளியிட் உலகின் சக்தி வாய்ந்த பெண்கள் பட்டியலில் மத்திய நிதியமைச்சர் 41வது இடத்தைப் பிடித்திருக்கிறார்.

ஃபோர்ப்ஸ் என்ற பிரபல பத்திரிகை நிறுவனம் ஒவ்வொரு ஆண்டும் வெவ்வேறு துறைகளில் சாதனை படைத்தவர்களின் பட்டியலை வெளியிட்டு வருகிறது. அவற்றில் சக்தி வாய்ந்த பெண்களின் பட்டியலும் அடங்கும். அந்த வகையில், இந்தாண்டிற்கான உலகின் சக்தி வாய்ந்த 100 பெண்களின் பட்டியலை தற்போது வெளியிட்டுள்ளது.

அதன்படி, ஜெர்மனியின் பிரதமர் ஏஞ்சலா மெர்கல்லுடன் தொடர்ந்து 10 ஆண்டாக முதல் இடத்தைப் பிடித்துள்ளார். ஐரோப்பிய ரிசர்வ் வங்கியின் தலைவர் கிறிஸ்டின் லகார்டே இரண்டாம் இடத்தில் உள்ளார். இந்திய வம்சாவளியும், அமெரிக்க துணை அதிபருமான கமலா ஹரீஷ் மூன்றாம் இடத்தைப் பிடித்துள்ளார்.

நியூசிலாந்து பிரதமர் ஜெசிந்தா ஆர்டெர்ன் 32வது இடத்தையும், இந்திய நிதியமைச்சர் நிர்மலா சீதாராமன் 41வது இடத்தையும் பெற்றுள்ளனர். இதே போல் ஹெச்.சி.எல். நிறுவனத்தின் சிஇஓ ரோஷிணி நாடார் மல்ஹோத்ரா 55வது இடத்தையும், பயோகான் நிறுவனர் கிரண் மசூம்தார் ஷா 68வது இடத்தயும் பிடித்துள்ளனர்.